مظاهرة من اجل خالد سعيد شهيد الطوارىء وعبدالسميع

مظاهرة , الطوارىء , خالد , سعدي , شهيد , وعبدالسميع

مظاهرة من اجل خالد سعيد شهيد الطوارىء وعبدالسميع

خالد محمد سعيد
شاب مصري عنده 28 سنه من منطقة كليوباترا بالاسكندريه
و صاحب مكتب استيراد و تصدير
كان قاعد في نت كافيه في وقت متاخر بالليل
و دخل بتوع المباحث بيفتشوا كل اللي قاعدين باستخدام قانون الطوارئ..

خالد اعترض و قال احنا بنتفتش ليه

كان تمن السؤال البرئ ده ان اتنين مخبرين مسكوه و نزلو فيه ضرب في المحل و في الشارع و في مدخل عماره جنب النت كافيه
ولما فقد وعيه قعدوا يخبطوا وشه في الرخام بتاع السلم و في مدخل العماره علشان يفوق
أخدوه وهو جثه و حطوه في البوكس و بعد 15 دقيقه رجعوا رموه ف الشارع لما إكتشفوا إنه مات

كل واحد فينا ممكن يكون خالد

خالد ماكانش ليه علاقه بالسياسه من قريب او بعيد زى معظم المواطنين المصريين
ولا عمره انضم لاى تيار او حزب سياسى
لكن ده ما منعهومش من تعذيبه وقتله
بلطجة الداخليه واحده بإستخدام قانون الطوارىء مش بتفرق بين سياسى و مواطن عادى

يا ترى هانسكت ونستنى لما ده يتكرر معانا ؟

--------------------------------------------------------------------



عم عبدالسميع صابر 60 سنه عنده 6 بنات
عنده كشك أمام الحي فى مدينة نصر من 40 سنه وهو مصدر رزقه ليه ولعياله
رئيس الحي( الليثي) معدي مش عجبه منظر الكشك نزل هو والمهندسين وطلب ازاله الكشك .عم صابر قاله ازاي ده مترخص والورق كله موجود وسليم ورئيس الحي طبعا امر بالازاله وجاب البلدوزر وشال الكشك

عم صابر كل جريمته انه قال لرئيس الحى حرام عليك هجيب عشايا منين انا وعيالي هأكلهم منين؟
وقرر الاعتصام لغاية ما ياخد حقه

رئيس الحى امر انههم ياخدوه على القسم وقعد 4 ايام وفى الاخر خرج جثه هامده وواضح فى جسمه اثار تعذيب بالضرب و الكهربا و اطفاء السجاير فى جسمه بالاضافه لجرح كبير فى رأسه


ضحيه قسم مدينه نصرعبدالسميع صابر

طبعا الداخليه بتحاول تعتم كالعاده وترهب اهل عم صابر و تحمى القتله و المجرمين بتوعها



مش لازم يكون ليك فى السياسه علشان تعترض أو تطالب بحقك او حق أى شخص تانى

ممكن تكون ماشى جنب الحيط و يحصل فيك زى ما حصل مع خالد وعم صابر وغيرهم و غيرهم زى ما بنسمع كل يوم

بلطجية الداخليه بيفتروا علينا بسبب سكوتنا إحنا وخوفنا من المجهول
لكن لو كلنا وقفنا مع بعض ضد اى تجاوز منهم وكسرنا حاجز الخوف و قدرنا نعمل ضغط ضد التعتيم و التلفيق ... هانقدر كلنا نعمل حاجه

وادينا شوفنا ضغطنا فى قضية الشهيد خالد أدى لإعادة التحقيق و اعادة تشريح جثته رغم محاولات الداخليه و الاعلام الحكومى للتلفيق و الكذب و طمس الحقائق

لكن مش هانسكت الا لما يتعاقب الجناه

مش هانسكت الا لما نحس بالامان فى شوارعنا من بلطجية الداخليه

مش هانسكت الا لما تكون فعلا الشرطه فى خدمة الشعب بدل ما تقتل و تعذب و تسرق الشعب

-----------------------------------------------

المصدر: منتدي طلاب اداب - من قسم: كلام في السياسة ومناقشات سياسية

---

l/hivm lk h[g ohg] sud] aid] hg',hvnx ,uf]hgsldu hg',hvnx ohg] su]d aid]

لكن مش هانسكت الا لما يتعاقب الجناه

مش هانسكت الا لما نحس بالامان فى شوارعنا من بلطجية الداخليه

مش هانسكت الا لما تكون فعلا الشرطه فى خدمة الشعب بدل ما تقتل و تعذب و تسرق الشعب

علي فكرة مبدء التظاهر عندنا غلط ومفهوم السلام بين افراد الشعب غلط

هنخصص كلامي علي قضية خالد سعيد وهتكلم بكل امانة لاني ولا هنجرف مع تيار يمين ولا شمال لا انا هقف من فوق واشوف الوضع احسن واحكم

حضرتك بتقولي مش هنسكت غير لما يتعاقب الجناه

بصي هقولك حاجة صغيرة كل اللي احنا بنسمعه ده مجرد حالات فردية وملهاش دخل ولا بقانون الطوارئ ولا قانون مش عارف ايه دي كلها حالات فردية وقليلة جدا في شارعنا هتقوليلي افرض ده اخوك او ابن عمك او قريبك او صحبك هقولك بكل بساطة هطالب بالقصاص من اللي قتلوه لكن مش اعمل تنظيم ومش عارف ايه واسب الدولة واسب النظام واسميه شهيد الطوارئ لان قانون الطوارئ اللي انتي بتتكملي عليه ده حمينا بقاله 30 سنة وقبل قانون الطوارئ كان اللي زيك لو اتكلم في السياسة كان بيروح ورا الشمس زي ما بيقولو وادينا ديلوقتي في قانون طوارئ وقانون ملوخية وقاعدين نسب في الحكومة والنظام

السبب في كل ده حضرتك حاجة واحدة ان المعارضة ان كانت معارضة حزبية او منظمة اسلامية مش قدرين يثبتو كفاءة في مجال السياسة المصرية من ايام عبد الناصر مش ديلوقتي فمع النهضة التكنولوجية اللي حدثت في العصر ده هما استغلوها انهم يطلعو جيل كامل فاقد الثقة في بلده وفي حكومته ومها تعمل الحكومة احنا هنفضل اخدين الانطباع ده لان بكل بساطة خلاص احنا اخدنا جرعة من الكراهية ضد النظام

لو رجعنا بالتاريخ عشر سنين ولا 15 سنة هنلاقي ان شعب مصري كان من اسعد شعوب العالم رغم ان كان في قانون طوارئ وكان في غلاء اسعار وكان في وفي وفي وفي بس كان عارف ان دي امكانيات البلد لكن احنا نسمع كلمتين اصل الحكومة مش عارف ايه نرددها لحد ما بقي جيل كامل بيكره السياسة المتبعة في البلد

نرجع لموضوعن


بتقولي مش هنسكت غير لما نحس بالامان

يا استاذة شوفي كام شب قاعد علي القهوة وكام واحد ووحدة بيتمشو علي البحر وكام واحد ووحدة قدام الكليات مجناش لقينا حملة نزلت عليهم وضرب وتهزيق زي ما كان بيحصل زمان ولا بنلاقي وقفة في الشارع وتسمعي جنبك حاجة فرقعت ولا واحد خطفك

حضرتك بتتكلمي في حالات فردية هي اه تستحق العقوبة للي عملها بس ما تستحقش الضجة دي كلها ما عندنا الدكتورة مروة الشربيني اتقتلت وفي وسط المحكمة ده معناه ان المانيا بلد ارهاب وتفرقة عنصرية ؟ دي اسمها حالات فردية تستحق العقوبة لكن ما تستحقش انها تلغي وعي قومي كامل ونقول شهيد الطوارئ

وبخصوص النقطة بتاعت الشرطة في خدمة الشعب دي معروفة في كل العالم الشرطة والشعب في خدمة الوطن يبقي لما انتي تخدمي الوطن الاول تكلمي وتنتقضي برحتك واقل حاجة تخدمي بيها وطنك انك تفهمي استراتيجية وطنك ازاي وسياستها وهدفها ولازم نعرف ان المظاهرات والاعتصامات مش هتأثر علي نظام البلد السياسي بس هتأثر علي نظام البلد الاجتماعي لان مهما طال الزمن النظام الحاكم هيتغير بس الموروث الثقافي بتعنا مش هيتغير وهنعمل كده مع الحاكم الجاي واللي بعده واللي بعده لان مفهو السلام عندنا اتحول لمفهوم تظاهر واعتصام وسلبية من النظام الحاكم

واضيف كلمة اخير

الحاكم الصالح يظهر من الشعب الصالح والحاكم الفاسد يظهر من الشعب الفاسد

الحاكم الصالح يظهر من الشعب الصالح والحاكم الفاسد يظهر من الشعب الفاسد
[/quote]
اولا الجمله دي مش عجباني خالللصصصصصص لان في شعوب كتير كويسه وبيبقي حكومتتها بايظه وشعوب بايظه بس حاكمها كويس


وعلي فاكره دي مش حاله فرديه زي مابتقول دا في ملايين الحالات زي خالد واكتر كمان انت ممكن تفتح قناه المحور وتشوف البرامج الي فيها دا تقريبا كل يوم حالات من دي والناس الي عايشه وهي ميته انا مالتش الحكومه كلها وحشه والله انا ماشيه بمبدا اهو الي نعرفه احسن من الي منعرفوش يعني الله اعلم لو اتبطرنا علي الحكومه دي حيجبولنا مين بدلها واحنا معندناش استعداد نبقي فران تجربه ليهم وكمان بجيب الغلط علي الناس الي مش عجبها الوضع وبيسكت لو كل واحد قام الدنيا دي حتتصلح بس مشكلتنا اننا ماشيين بمبدا لا اسمع لا اري لا اتكلم

الحاكم الصالح يظهر من الشعب الصالح والحاكم الفاسد يظهر من الشعب الفاسد

اولا الجمله دي مش عجباني خالللصصصصصص لان في شعوب كتير كويسه وبيبقي حكومتتها بايظه وشعوب بايظه بس حاكمها كويس


وعلي فاكره دي مش حاله فرديه زي مابتقول دا في ملايين الحالات زي خالد واكتر كمان انت ممكن تفتح قناه المحور وتشوف البرامج الي فيها دا تقريبا كل يوم حالات من دي والناس الي عايشه وهي ميته انا مالتش الحكومه كلها وحشه والله انا ماشيه بمبدا اهو الي نعرفه احسن من الي منعرفوش يعني الله اعلم لو اتبطرنا علي الحكومه دي حيجبولنا مين بدلها واحنا معندناش استعداد نبقي فران تجربه ليهم وكمان بجيب الغلط علي الناس الي مش عجبها الوضع وبيسكت لو كل واحد قام الدنيا دي حتتصلح بس مشكلتنا اننا ماشيين بمبدا لا اسمع لا اري لا اتكلم[/quote]


الاختلاف في الراي لا يفسد للود قضية

بصي حضرتك بالنسبة لاول نقطة مفيش حاكم هيمسك بلد شعبها صالح دينا ودين وهو فاسد وهيستمر المدة دي كلها

اللي عايز اوضحه ان قوي المعارضة عملت نوع من عدم الثقة لدي الشعب في الحكومة ودي ملخص الكلام وفي دلائل كتير علي كده بس علشان ما نخرجش عن اطار الموضوع اكيد حضرتك لو دورتي بعقلانية اكتر في الموضوع هتعرفي ليه القوي المعارضة بتعمل كده

بالنسبة لموضوع المرحوم خالد سعيد رحمه الله الحالات دي مش بتتكرر زي ما حضرتك بتقولي تقدري تروحي اي مركز معلومات او اي منظمة مدنية مش تابعة للحكومة وتخدي احصائية منهم هتفيدك في الموضوع ده وهتعرفي ان الحالات دي نسبتها في مصر مش متعدية 0.2 % من الشعب اللي متصوره ( مركز ايات لحقوق الانسان )

بالنسبة لموضوع قناة المحور او غيرها انا مش بحب التلفزيون علي فكرة ومش بتفرج علي اخبار فيها لانها لو كانت علي قناة وطنية اكيد هيبقي ليها قيود علشان دي سياسة بلد ولو علي قناة خص هيبقي همها كله انها تجيب خبر وتعمل عليه ضجة اعلامية علشان تكسب بس مش اكتر لكن هما ولا يهمهم مين مات ولا مين عاش يوم ما بحب اتابع اخبار روحي علي كل المواقع المعارضة واقري وبعدين روحي علي اي موقع اجنبي ناطق بالعربية واقري وقارني بين الاتنين وقرني بين الصحف الوطنية هتلاقي ولا واحد في التلاتة هيديكي صورة انطباعية عن الوضع نفسه وهتحسي انك مشتتة وبالذات في صحف المعارضة هتحسي نفسك وانتي بتقري ان في واحد هيطلع من الشاشة وهيموتك ده مش اكتر من سياسة استخدمتها المعارضة علشان تعمل نوع من عدم الثقة في الحكومة ودي استخدمها اللوبي الصهيوني والامريكان مع الاتحاد السوفيتي سابقا قبل ما يتفكك وهي سياسة لحدا ما في النهاية بتأدي لنوع من التفرق في الافكار للشعب وبتوصل في يوم لنوع من الانقسام الدخلي سياسيا واجتماعيا وده اللي بيحصل ديلوقتي وللاسف احنا معتقدين ان ده في الحكومة او في السياسة العامة للبلد وما نعرفش ان ده كخطط من بعد الثورة جهات كتيرة شغالة فيه


يارب اكون وضحت ليكي جزء من فكرتي وتحياتي ليكي